Ministrja e Jashtme e Gjermanisë i ka kërkuar Serbisë, e cila nuk ka vendosur sanksione ndaj aleatit tradicional Rusisë për luftën në Ukrainë, të përafrojë politikat me Bashkimin Evropian nëse dëshiron të bashkohet me bllokun.
Annalena Baerbock tha të premten në kryeqytetin e Serbisë në Beograd se “ne të gjithë duhet të kemi një pozicion të qartë” mbi agresionin rus të Ukrainës.
Presidenti rus Vladimir Putin, tha Baerbock, filloi një “fushatë të paturpshme shkatërrimi” që synon “maternitetet, shkollat, shtëpitë (njerëzit)”, përcjellë euronews.
Ndërsa Serbia e ka kritikuar sulmin ndaj Ukrainës dhe ka votuar në Kombet e Bashkuara për dënimin e sulmit, Beogradi nuk i është bashkuar sanksioneve perëndimore kundër Moskës.
E konsideruar historikisht një komb mik, Rusia mbetet e popullarizuar në mesin e serbëve, veçanërisht për shkak të mbështetjes së Moskës për kundërshtimin e Serbisë ndaj pavarësisë së Kosovës, të mbështetur nga Perëndimi.
Baerbock vlerësoi votën e Serbisë në OKB dhe ofertën për të pritur refugjatët ukrainas. Por ajo shtoi se “anëtarësimi në Bashkimin Evropian do të thotë gatishmëri për t’u lidhur me pozicionet e unionit”.
Presidenti i Serbisë Aleksandar Vuçiq tha se “Serbia ka një pozicion shumë të vendosur dhe të qartë” dhe nuk ka bërë “asgjë që do të dëmtonte Ukrainën”.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...